CEBU CITY — Dili lisud-lisuron sa Immigration Law ang panghinaut sa mga Filipino nga anaa karun nag-base sa Estados Unidos.
Gibutyag ni Loy Madrigal, Bombo US Correspondent, nga kung si kinsa man ang mahimong mananaug tali ni US President Donald Trump ug Joe Biden, nanghinaut kini nga dili maglisod ang mga imigrante sa ilahang pagpuyo sa Amerika.
Matud ni Madrigal nga kusog si Trump sa ilahang area sa New Orleans, Louisiana, apan human sa nahitabong presidential debate, giingong susama nga misaka ang satisfactory rate ni Biden.
Hinuon, napanglantawan niini nga mahimong patas ang naasoy nga eleksyon gumikan kay pulos adunay lig-on nga mga plataporma, ingon man supporters ang duha ka presidential candidate.
Gipahibalo usab ni Madrigal nga nagpadayon sa gihapon ang pagpangampanya ni Trump ug Biden sa nagkadaiyang lugar sa US diin wala’y nasinati nga problema ug han-ay lang ang ilahang pagpahigayon niini.
Sa Louisiana, giingong nagpahigayon na usab ug ‘advance voting via mail’ ang pipila diin usa kini ka-set up nga gitugotan gumikan sa COVID-19 pandemic.
Nasayran nga karun nang Nobyembre 3 ang bugnong lugaynon sa Estados Unidos. (sbr)
