Gikompirmar sa Philippine Consulate General sa New York nga walay Pinoy nga naapektuhan o naangol sa dakong sunog nga miulbo sa Ocean County, New Jersey.
Matod ni Consul General Senen Mangalile, hugot nga gibantayan sa Konsulado ang sitwasyon sa nasud sukad nga niulbo ang sunog ug nagkanayon nga nagsumite na usab sila og opisyal nga report ngadto sa Department of Foreign Affairs (DFA) sa Manila alang sa updates sa maong insidente.
Giawhag sa Philippine Consulate ang mga miyembro sa Filipino community nga apektado sa wildfire nga magpabiling alerto ug mosunod sa mga instruksyon gikan sa lokal nga mga awtoridad.
Ang mga Pilipino nga nanginahanglan og tabang o gusto nga ipahayag ang ilang mga kabalaka gitambagan usab nga direkta nga tawagan ang Konsulado.
Sumala sa lokal nga mga awtoridad sa New Jersey, ang wildfire nagsugod Abril 22 sa Greenwood Forest Wildfire Management Area.
Diin ang kalayo dali nga mikaylap sa liboan ka ektarya nga kalasangan, hinungdan sa pagbakwit sa mga silingang lugar nga gipuy-an.
Sa pinakaulahing update sa wildfire, gibanabana nga 50% na sa wildfire ang napalong.
Sa usa ka press conference, ang New Jersey Commissioner of Environmental Protection Shawn LaTourette miingon nga ang wildfire mao ang pinakadako nga natala sa estado sukad Mayo 2017, nga nakasunog sa 17,000 ka ektarya.
