Gikompirmar sa Philippine Embassy sa Austria nga gitrabaho na sa gobyerno ang mga kaso nga ipasaka batok sa Slovenian national nga akusado sa pagpatay sa iyang Pinay nga asawa.
Matod ni Philippine Ambassador to Austria Evangelina Lourdes A. Bernas, siguruhon sa gobyerno nga mapasaka kini sa labing dali nga panahon.
Gihimo ni Bernas ang maong pamahayag dungan sa pagkompirmar nga ang patay’ng lawas sa biktima gikatakdang dalhon og balik sa Cebu karong Sabado.
Gitapos usab sa mga awtoridad sa Slovenia ang autopsy report aron isumiter sa korte.
Una nang gikataho nga si Factura gipatay sa iyang bana samtang nagbakasyon sa Bled, Slovenia niadtong Disyembre 29, 2024, pipila ka semana sa wala pa siya niabot sa nasod.
Ingon man nga kusganong gikondenar sa gobyerno sa Pilipinas ang makalilisang nga panghitabo ug gisiguro ang hustisya alang sa biktima nga Pilipina.
