Kusganon nga gihingusgan sa Pilipinas ang soberanya sa Bajo de Masinloc atubangan sa ubang miyembro sa United Nation Assembly.
Si Philippine Permanent Representative to the UN Antonio Lagdameo nipadangat niini sa iyang maisogon nga pamahayag atol sa debate sa UN General Assembly sa Oceans and Law of the Sea.
Dinhi, ang PH envoy miingon nga kining reef, nga nakasaksi sa daghang mga kaso sa harasment gikan sa China, usa ka importante nga bahin sa teritoryo sa atong nasud.
Matod ni Amb. Lagdameo, ang Pilipinas lamang subay sa paggamit sa iyang soberanya ang adunay awtoridad sa pag-establisar og baselines ug sa gilapdon sa territorial sea palibot sa Bajo de Masinloc subay sa United Nations Convention on the Law of the Sea (UNCLOS).
Gisupak usab niini ang baseline claim sa China sa kadagatan sa Bajo de Masinloc, nga giingon nga anaa sa kasadpang baybayon sa Luzon.
Gipahayag usab sa Ambassador nga ang 1982 UNCLOS ug ang naglungtad nga 2016 Arbitral Award sa gikaaway nga katubigan nahimong pundasyon sa polisiya sa Pilipinas bahin sa mga katubigan nga gilantugian.
Gihisgotan usab sa opisyal ang bag-o nga pagpatuman sa Philippine Maritime Zones Act ug Philippine Archipelagic Sea Lanes Act.
Pinaagi niini nga mga balaod, ipatuman sa UN kini subay sa UNCLOs, dugang pagpalambo sa kapasidad sa nasud alang sa pagdumala sa kadagatan ug dugang pagpalambo sa maritime nga mga palisiya alang sa kalamboan sa ekonomiya ug alang sa nasudnong seguridad.
Dugang niini, gipasiugda usab sa PH envoy ang pasalig sa Pilipinas alang sa diplomasya ug uban pang malinawon nga paagi aron masulbad ang panagbangi pinaagi sa pagsunod sa UN Charter ug Manila Declaration on the Peaceful Resolution of Disputed sa paghingusog sa atong soberanya, sovereign rights ug hurisdiksyon sa disputed waters.
