Mapasigarbuhon nga gipahibalo sa National Economic and Development Authority (NEDA) nga ang Pilipinas naa sa ikatulo nga labing paspas nga pagtubo sa ekonomiya sa rehiyon.
Kini bisan pa sa wala maabot ang target sa gobyerno sa 2024 nga 6% ngadto sa 6.5% human kini natala sa 5.6%.
Sa usa ka press briefing kagahapong adlawa, Enero 30, ang NEDA Policy and Planning USec Rosemarie Edillon miingon nga ang PH nagsunod sa Vietnam nga adunay 7.5% nga pagtubo sa ekonomiya, China nga adunay 5.4% samtang ang PH milabaw sa Malaysia nga adunay 4.8% nga pagtubo sa ekonomiya.
Gipasangil sa opisyal nga ang kapakyasan sa pagkab-ot sa target nga pagtubo sa ekonomiya sa miaging tuig sa daghang mga hinungdan nga dili kontrolado sa gobyerno, sama sa mga bagyo nga miigo sa nasud ug ang mga epekto sa geopolitical tension.
Gitino usab ni USec. Edillon nga ang sektor sa agrikultura nakasinati og pipila ka mga kapakyasan, ilabi na sa tunga-tunga sa Oktubre ug tunga-tunga sa Nobyembre sa dihang ang unom ka sunodsunod nga mga bagyo miigo sa nasud usab sa 3.1% tungod sa geopolitical tensyon ug hinay nga pag-uswag sa ekonomiya lakip na ang panginahanglan alang sa semiconductor pag-update sa ilang mga gitanyag nga produkto aron matubag ang mga pagbag-o sa panginahanglan.
Una nang gipahibalo ni NEDA Sec. Arsenio Balisacan, sa miaging semana nga nagpabiling impressive ang economic performance sa nasud bisan og wala matuman ang target sa gobyerno.
