Nagpahibalo ang Philippine Health Insurance Corporation (PhilHealth) nga ang network sa mga accredited hospitals ug health facilities igo na aron maserbisyohan ang mga miyembro niini sa tibuok nasud.
Matod pa ni PhilHealth spokesperson Dr. Israel Francis Pargas nga hapit 98% sa mga ospital sa nasud ang akreditado, samtang ang nahabilin nga 2% wala’y lisensya o nagsira na.
Ang PhilHealth karon nag-akreditar usab sa mga 10,000 ka mga health facilities, lakip ang mga ospital, clinics, surgical centers, birthing facilities, HIV laboratories, ug mga animal bite treatment centers.
Dugang ni Pargas nga ang PhilHealth nagplano nga palig-onon ug palapdan ang mga benefit packages niini, nga gipailalom sa mga pagtuon sa pinansyal ug actuarial aron masiguro ang pagpadayon.
Mahinumduman nga ang Korte Suprema nagmando sa pagbalik sa P60 bilyon nga pondo sa PhilHealth nga gibalhin sa National Treasury, ug ang korte suprema nag-ingon nga ang pondo kinahanglan gamiton subay sa Universal Health Care Act, lakip ang pagpalapad sa mga benepisyo sa mga miyembro niini.
