Niingon si Presidente Ferdinand R. Marcos Jr. nga ang paglusad sa gobyerno sa PHP20-per-kilo nga bugas nahimong posible tungod sa nagpadayon nga mga reporma sa agrikultura ug taas nga record sa produksiyon sa bugas sa miaging mga tuig.
Namulong sa unang yugto sa iyahang “BBM Podcast,” diin iyahang gitubag ang mga pagsaway sa panahon sa programa, nga gilusad pipila ka adlaw sa wala pa ang Mayo 12 nga midterm elections, diin, siya niingon usab nga ang inisyatiba dili unta mahimo sa sayo pa tungod kay ang gikinahanglan nga pundasyon wala pa mapahimutang.
“Kung kaya ninyo buhaton, nganung wala gihimo niadtong 2022 o niadtong 2023? Tungod kay dili pa namo kayang buhaton (If it could be done then, why didn’t we do it in 2022 or 2023? Because we weren’t capable of doing it yet),” matod ni Marcos.
Iyahang gitumbok usab ang dagkong mga puhunan sa irigasyon, makinarya sa uma ug suporta sa produksiyon sa humay isip yawe sa pagkab-ot sa target nga presyo.
2023 ang ani ng palay sa Pilipinas, labing taas sa kasaysayan sa Pilipinas. Nilapas pa niadtong 2024 (The 2023 rice harvest was the highest in Philippine history. That was even surpassed in 2024),” matod ni Marcos.
Gihatagan ug gibug-aton sa Chief Executive nga ang pagpalig-on sa lokal nga produksiyon hinungdanon aron malikayan ang sobra nga pagsalig sa importasyon sa bugas, nga giingon niya nga dugay na nga giabuso.
Gitumbok usab niya ang smuggling ug hoarding isip mga hinungdan nga kaniadto nagtuis sa mga presyo, ingon nga bisan ang mga opisyal sa gobyerno nalambigit sa ilegal nga pag-import sa bugas.
“Ang nag-smuggle nga mga opisyal sa gobyerno, naka-kwarta usab.(Those behind smuggling rice were also government officials. They were profiting from it),” ingon niya.
Si Marcos miingon nga ang mga reporma sa mga ahensya sama sa National Food Authority, mas estrikto nga pagpatuman, ug structural nga mga kausaban sa polisiya nakapahimo sa gobyerno sa pagtanyag og barato nga bugas.
Dugang pa niya nga ang PHP20-per-kilo nga programa sa bugas kabahin sa mas lapad nga estratehiya aron mapalig-on ang suplay ug suporta sa mga mag-uuma, ug dili temporaryo o gimaneho sa eleksyon.
Ang programa, opisyal nga ginganlan og “Benteng Bigas Meron Na!” (BBM Na!) unang gilusad sa Dakbyan sa Sugbo ug pipila ka bahin sa Metro Manila niadtong Mayo 1, apan temporaryong gisuspenso human ang Commission on Elections nipahibawo sa mga kabalaka sa ayuda (tabang) nga pagdili nga mosangpot sa midterm elections, ug gipadayon ang paglusad sa ubang mga lugar gipadayon kaniadtong Mayo 13.
Gitugotan sa programa ang mga pamilya sa mga huyang nga indibidwal sama sa senior citizens, solo parents, persons with disabilities, ug mga benepisyaryo sa Pantawid Pamilyang Pilipino Program sa gobyerno, nga makapalit ug 10 kg nga bugas kada semana o 40 kg kada bulan.(Bombo Irene Ardiente)
