Napili ang Pilipinas nga mo-host sa katapusang window sa FIBA World Cup Asian Qualifiers.
Human sa pag-host sa Window 4 batok sa Jordan ug Iran niadtong Agosto 28 ug 30, mobalik sa nasud ang kompetisyon alang sa katapusang window.
Sa Window 5 sa Malaysia sa Nobyembre, makigsangka ang Gilas Pilipinas sa Syria sa Nobyembre 27 ug sa Iran sa Nobyembre 30.
Samtang sa Window 6 sa Pebrero 2027, moatubang ang Gilas Pilipinas sa Jordan sa Pebrero 25 ug sa Syria sa Pebrero 28. Wala pa’y napiling venue sa Pilipinas.
Sa pagkakaron, anaa sa ikaupat nga pwesto ang Pilipinas sa Group E nga adunay upat ka daog ug upat ka pildi.
Nanguna sa grupo ang Australia nga walay pildi sa walo ka duwa.
Aron maka-qualify sa 2027 FIBA World Cup, kinahanglang makatapos sa Top 3 sa ilang grupo o mahimong pinakamaayong ika-upat nga team gikan sa Groups E ug F.
