Mipirma ang Pilipinas ug United Arab Emirates (UAE) sa makasaysayanong Comprehensive Economic Partnership Agreement (CEPA) tali sa Pilipinas ug UAE sa Abu Dhabi.
Gisaksihan niini nila ni President Ferdinand Marcos Jr. ug UAE President Sheikh Mohamed bin Zayed Al Nahyan, diin nagtumong ang kasabutan sa pagpaubos sa mga taripa, pagpalapad sa pag-access sa merkado alang sa mga produkto ug serbisyo, pagpataas sa pamuhunan, ug pagmugna og dugang mga oportunidad alang sa mga Pilipino sa UAE.
Lakip sa mga sektor nga nasakop sa kasabutan kay digital trade, MSMEs, malungtarong kalamboan, ug mga propesyonal nga serbisyo.
Gilauman usab nga makabenepisyo niini ang mga produktong Pilipino sama sa saging, pinya, de-lata nga tuna, ug electronics.
Sa 2024, ang pamatigayon tali sa duha ka nasud miabot sa dul-an US$1.83 bilyon, ingon man nga ang CEPA gilauman nga makadugang sa mga eksport sa Pilipinas ngadto sa UAE og sobra sa siyam ka porsyento ug magpalig-on sa relasyon sa pamatigayon sa Gulf region.
Mitambong usab sa pagpirma si Unang Ginang Liza Araneta Marcos.
