Dili na kinahanglan nga magpadala ang Pilipinas og barkong iggugubat sa West Philippine Sea (WPS).
Mao kini ang gipahibalo ni Presidente Ferdinand Marcos Jr., nunot sa bag-ong pagpanghasi sa mga barko sa China sa mga barko sa Pilipinas sa Bajo de masinloc ug Hasa hasa shoal sa WPS.
Gihatagan og gibug-aton sa Presidente nga ang Pilipinas wala nakiggubat sa China, busa dili kinahanglan nga magpadala og barkong iggugubat sa Philippine Navy sa gitawag nga mga isla nga gikaaway.
Gani, matud niini nga ang Pilipinas kay kanunay nga nagpaubos sa lebel sa tensyon sa West Philippine Sea.
Sa pagkakaron ang gihimo na lang sa Pilipinas mao ang paghimo og resupply ug rotation mission sa mga tropa nga nadestino sa BRP Sierra Madre ug sa mga mananagat.
Ingon man nga dili mahimong mangulo ang nasud sa pag-usbaw o pagpasamot sa tensyon sa giawayan nga kadagatan.
Kung gani tukion ang kasaysayan ug pag-uswag sa sitwasyon sa WPS, ang Pilipinas wala sukad nahimong bahin sa pag-usbaw sa tensyon niini.
