Nabuak sa usa ka influencer nga naila sa bansag nga “Lawn Queen” ang Guinness World Record sa Kentucky pinaagi sa pag-mow kon pagtabas sa mga sagbot sa usa ka lugar nga susama kadako sa usa ka football field sulod lang sa 15-minutos.
Gimanehoan ni Hali Rieman, usa ka turf care influencer ang usa ka mower nga iya sa technology company nga Rehlko aron tabason ang mga sagbot sa TurfMutt Great Lawn sa Louisville’s Waterfront Park kansa nahimo niya sulod sa 14 minutos ug 51.06 segundos.
Ang maong kalihukan mibuak sa Guinness World Record alang sa ‘fastest mowing’ sa usa ka lugar nga susama kadako sa usa ka American football field.
Matud sa mga organizers, gi-require sa patakaran sa record-keeping organization nga ang sagbot, kinahanglang unom ka pulgada ang gitas-on sa dili pa kini tabason.
