PROVINCE OF CEBU-Gipangulohan nila Cebu Provincial Governor Gwen Garcia ug ni Dalaguete Mayor Ronald Allan Cesante ang ribbon-cutting ceremony sa Dalaguete Wastewater Treatment Facility kagahapong adlawa, Hunyo 15, ning kasamtangang tuig.
Kining pioneering project, ang una sa iyang matang sa habagatang Sugbo nga gipadagan sa lokal nga kagamhanan sa Dalaguete og sa pakigtambayayong niini sa usa ka pribadong kompanya.
Ang pasilidad, nga gipundohan sa kinatibuk-an nga P11 milyones, nga nabahin sa nadawat nga kontribusyon nga P7.8 milyones gikan sa munisipyo ug P3 milyones gikan sa Cebu Provincial Government.
Nag-okupar sa lugar nga 100 square meters, ang pasilidad nagproseso sa gibana-bana nga 6 cubic meters nga wastewater kada oras.
Epektibo kini nga makalimpyo sa hugaw nga tubig gikan sa drainage ug dagan sa ulan og pagsiguro nga matangtang ang mga kontaminante sa dili pa ipagawas ang tubig balik sa kadagatan.
Dayon ang limpyo nga tubig nga gihimo sa pasilidad mahimo usab nga magamit alang sa mga katuyoan sa agrikultura, industriya, ug residential.
