CENTRAL VISAYAS-Mokabat sa 61 ka mga kanhi rebelde ug pipila ka mga sympathizer ang misaad nga mobalik sa gobyerno ug
mosuporta sa mga inisyatiba alang sa kalinaw ug kahapsay sa kagamhanang probinsyal sa Bohol.
Mao ni ang gibutyag ni Lt.Col. Israel Galorio, speaker of the Visayas Command sa pakighinabi kaniya sa Bombo Radyo Cebu news team.
Matod niya, mitunga sa Kapitolyo ang maong 61 ka mga surrenderees sa hiniusang tigom sa Provincial Peace and Order Council (PPOC) ug Provincial Anti Drug Abuse Council (PADAC) niadtong Oktubre 18 aron tapuson ang ilang serye.
Nalipay ang lokal nga kagamhanan nga ang mga mirebelde sa nangaging mga administrasyon, nakakat-on sa pagsalig kanila ug sa iyang administrasyon.
Naglaum usab siya nga mawagtang na ang insurhensya sa komunista sa ilang probinsya.
Isip timaan sa maayong kabubut-on, sumbanan sa mga posisyon sa probinsiya ang paghatag og P10,000 matag usa sa 61 ka mga surrenderee aron matabangan sila sa pagsugod og bag-ong kinabuhi.//
Sa 61 nga misurender, 38 gikan sa siyudad sa Trinidad; 10 kina sa Candijay; lima gikan sa Mabini; duha gikan sa Carmen, Bilar ug Catigbian; ug matag usa gikan kang Alicia, Guindulman ug Talibon.
Sa laing bahin, pito ka mga terorista sa NPA ang mitalikod samtang nagpadayon ang walay hunong nga localized peace engagement sa gobyerno batok sa CPP-NPA sa Eastern Samar.
Mi-surrender sa gobyerno ang pito ka mga terorista sa NPA nunot sa padayon nga pagkontak sa mga sakop sa 78th Infantry Battalion sa 802nd Infantry Brigade uban sa ilang tagsa-tagsa ka pamilya sa Brgy Pinanag-an, Borongan City, Eastern Samar.
Sa nasangpit nga engagement, ilang gibutyag ang nahimutangan sa gitagoan sa armas sa NPA sa nahisgutang barangay hinungdan sa pagbawi sa daghang kagamitan sa gubat lakip ang duha (2) ka M16 Rifles; usa (1) ka M14 Rifle; usa (1) M635 Rifle; ug pipila ka buhing bala.
Ang paningkamot nahimong posible pinaagi sa Free Families Program sa 802nd Infantry Brigade nga gilusad sa pakigtambayayong sa Local Government Units sa Samar ug Eastern Samar.
Ang nasangpit nga programa naghatag ug paagi sa mga pwersa sa seguridad nga makontak ang mga giila nga pamilya sa mga terorista sa NPA nga adunay suporta gikan sa lokal nga gobyerno.
Subay niini, si Lieutenant General Benedict M Arevalo PA, ang Commander sa Visayas Command (VISCOM) midayeg sa mga tropa sa ilang dili matarug nga pasalig nga tapuson ang lokal nga komunistang armadong panagsangka sa rehiyon.
Gihatagan usab og gibug-aton niini nga dako og papel ang local government units sa ilang kampanya.
Gibutyag usab ni Galorio nga ang pagkakabig sa maong mga terorista sa NPA resulta sa ilang localized peace engagement sa gobyerno kalabot sa pagwagtang sa CPP-NPA sa Eastern Samar.
Gihatagan usab og gibug-aton sa opisyal nga walay bisan usa sa mga armadong pwersa nga nalambigit ang miduso sa mga surrenderee nga mobalik sa gobyerno.
