CENTRAL VISAYAS-Nakahukom sa pagsuspenso sa klase ang pipila ka mga local government units (LGUs) sa Sugbo karong adlawa, Biyernes (Mayo 26) tungod kay gipaabot sa nasud ang dili maayo nga panahon gumikan sa epekto sa Bagyong Mawar.
Diin lima ka LGU’s ang nideklarar og suspension sa physical classes sa tanang lebel, ug Kini mao ang Talisay City, Naga City, ug ang mga lungsod sa Consolacion, Minglanilla, ug San Fernando.
Ang tanang lokalidad miingon nga ang maong lakang gihimo aron mahatagan ug panahon ang mga magtutudlo ug estudyante nga makapangandam sa dili maayong panahon.
Niadtong Huwebes, gisuspenso usab sa lokal nga kagamhanan sa Daanbantayan ang klase sa tanang lebel human giisa sa Pagasa ang Orange Rainfall alert tungod kay ang amihanang bahin sa Sugbo nakasinati og kasarangan ngadto sa kusog nga pag-ulan.
Sa laing bahin, padayon ang klase sa dakbayan sa Sugbo.
Kini ang gitino Mayor Michael Rama nipahibawo nga walay suspension sa klase, kini human niya nasayran gikan sa Cebu City Disaster Risk Reduction and Management Office (CCDRRMO) head Harold Alcontin nga ang Super Typhoon Mawar, locally known as Betty, mosulod sa Philippine area sa responsibilidad (PAR) sa Sabado, Mayo 27, o Domingo,Mayo 28.
Hinuon, nangandam na ang Cebu City Government sa bisan unsang posibleng mahitabo sa dihang ang bagyo moigo sa Cagayan Valley, Babuyan ug Batanes Islands sa amihanang Luzon.
