CEBU CITY-Di mominos 84 ka mga pribadong sakyanan, apil na ang pito nga nakadawat og traffic citation, ang gi-clamp sa Cebu City Transportation Office (CCTO) tungod sa overnight parking sa mga karsada sulod sa usa ka subdivision sa Barangay Mabolo, dakbayan sa Sugbo nga gipanag-iya sa kagamhanan sa dakbayan niadtong Miyerkules, Hunyo 21, 2023.
Nahimo ang mga kadalanan sulod sa baryo nga pampublikong dalan human gidonar sa Cebu City Government niadtong 1980 atol sa termino ni Mayor Florentino Solon ang donasyon gisuportahan sa usa ka deed of donation nga gisudlan ug gipirmahan ni abogado Cecilio Casals ug Solon niadtong Nobyembre 18, 1980.
Gibutyag ni CCTO head Raquel Arce nga ang Traffic Management Committee (TMC) nipasar na sa Board Resolution No. 36-087-2023 pinetsahan og Mayo 9, 2023, nga nagtugot sa traffic office sa dakbayan sa pagpatuman sa mga balaod nga nagdili sa illegal parking, sama sa City Ordinance Nos. 356 (Towing of illegally-parked vehicles), 801 (Traffic Code of the City of Cebu), ug 1664 (Clamping of illegally-parked vehicles).
