Gikompirmar ni Budget Secretary Amenah Pangandaman nga lakip sa mga programa nga gipailawom ni Presidente Ferdinand Marcos Jr. sa “conditional implementation” mao ang Ayuda sa Kapos ang Kita Program (AKAP), Payapa ug Masaganang Pamayanan (PAMANA) Program sa DSWD.
Bisan ang Basic Infrastructure Program sa DPWH, Support to Foreign-Assisted Projects, ug pagbayad sa retirement benefits ug pensions ingon man ang pagpagawas sa bayad sa retirement benefits ug pension sa Office of the Ombudsman.
Lakip usab sa “conditional implementation” mao ang Maintenance and Other Operating Expenses sa lower courts of the Judiciary and the Supreme Court, paggamit sa surplus nga kita gikan sa Total Annual Tariff Revenue of Rice Importation, Calamity Fund sa National Disaster Risk Reduction Management nga Programa sa NDRRMC.
Lakip usab ang Rewards and Incentives Fund sa Bureau of Customs, ug Availability of Appropriations ug Cash Allocations sa Kongreso.
Matud ni Pangandaman, ang mga ahensya sama sa DSWD, DOLE ug NEDA kay kinahanglang mopagawas una og guidelines sa dili pa ma-release o mahatag kanila ang pundo.
Kini aron masiguro ang saktong pagpatuman sa mga programa ug saktong pag-apod-apod sa kuwarta, ilabina sa mga programa nga may kalabotan sa pag-apod-apod sa hinabang pinansyal.
Gihatagan usab sa presidente og go signal ang pipila ka probisyon sama sa pag-adjust sa Organizational Structure sa Kongreso ug sa ilang tagsa-tagsa ka Electoral Tribunals ug Commission on Appointments, Special Road Fund sa DPWH, ug Health Facilities Enhancement Program sa DOH.
