CEBU CITY – Magpahigayon og tulo ka adlaw nga welga ang progresibong grupong Unity of Drivers and Operators Associations Nationwide (PISTON), sugod sa Nobyembre 20 ngadto na sa 23.
Subay niini, gilatad ni Greg Perez, ang pangu sa PISTON-Cebu ang pipila ka mga isyu sa transport sektor nga buot batokan sa nahisgutang transport strike lukop nasud.
Una na niini mao ang pag-phaseout sa mga traditional jeeps sa nasud ug paghulip niini og mga modern jeepney units.
Gawas niini, buot usab sa PISTON nga suklan ang inisyatiba sa gobyerno nga mu-consolidate ang mga traditional jeepneys ngadto sa kooperatiba o korporasyon aron nga tugutan sa gihapon sila sa pag-operate.
Kung diin, aduna na lang silay kapin sa usa ka bulan sa pag-consilidate gumikan kay Disyembre 31 ang gikatakdang deadline niini.
Dugang niini, laing pipila ka isyu usab ang buot nga i-demand sa PISTON sama nalang sa pipila ka mga demand nga ilahang gipasaka sa ilahang gipahigayong welga sa nakalabay nga bulan sa Marso.
