CEBU CITY — Patay ang usa ka plumber human ni-ambak gikan sa ika-19 ka andana sa padayon pang gitukod nga building nga nahimutang sa 13th Avenue, Brgy. Tejero, Dakbayan sa Sugbo.
Giila ang namatay nga si Emilio Mapalo, Jr. alya “Jun-jun”, residente sa San Francisco, Isla sa Camotes ug kasamtangang nagtrabaho sa Trade Construction Company.
Sigon sa nakasaksi sa maong panghitabo nga si Noel Luchavez, 46-anyos, lumulupyo sa Brgy. Cabadiangan, Lungsod sa Compostela kinsa nga lead man sa maong kompanya nga matud pa kalit lang nga midagan ang biktima ug dayong mi-ambak sa maong edipisyo.
Gisusi ang cellular phone ni Mapalo ug nakita ang text message nga gipadala sa iyaan nga daw nanamilit kini.
Padayon pa ang imbestigasyon karon sa kapulisan sa hinungdan sa paglayat niini.// BJG, BRA, BEP
