CEBU CITY-Magpahigayun ug ‘independent action’ ang Philippine Movement for Climate Justice (PMCJ) alang sa problema sa mga residente sa tulo ka barangay sa dakbayan sa Toledo, probinsya sa Sugbo.
Gipahibalo ni Teodorico Navea, sa PMCJ, nga maghimu sila ug kaugalingong lakang arun nga ilahang masuta ang kinatibuk-ang problema ingun man kung unsay angayan nga buhaton.
Kini subay na sa reklamo sa mga residente sa Barangay Awihay, Poblacion ug Bato kung diin giingong nangasakit na ang mga bata gumikan sa hilabihan ka baho nga coal-fired plant nga duol sa area.
Gawas sa baho nga gibuga sa maong planta, giingong mu-uyog usab ang yuta panahon nga magsugod na ang operasyon niini sa sulod.
Hinuon, giangkun ni Navea nga dili na grabi ang baho sa mga nahisgutang area itandi niadtung una nga giingung wala pa miboto ang mao nga isyu.(SBR)
