Magsugod sa Oktubre 29 ang pagpadala sa Philippine National Police (PNP) sa deployment teams niini isip pagpangandam alang sa pagsaulog sa Kalag-kalag karong tuiga.
Atol sa seremonyas sa Camp Crame, gipahibalo ni Acting PNP Chief P/LtGen. Jose Melencio Nartatez Jr. nga kapin sa 30,000 ka mga pulis ang ipadala sa tibuok nasud gikan sa Miyerkules hangtod Nobyembre 3 alang sa seguridad.
Miingon usab siya nga ang tanang unit kay gimandoan na sa pagbantay sa mga lugar nga gikatakdang bisitahon ug adtoon sa publiko, labi na ang mga sementeryo, pantalan, terminal ug uban pang mga lugar nga daghang tawo.
Miingon si Nartatez nga ang kapulisan kay kinahanglan nga mokooperar ug motabang sa ubang mga ahensya sa pagpatuman sa balaod aron masiguro nga ang pagsaulog kay hapsay ug malinawn.
Human niini, gipasalig ni Nartatez nga motubag sila sa mga panginahanglan ug panawagan sa publiko ang PNP aron mapadayon ang kahusay ug seguridad karong semanaha.
Miingon siya nga ang PNP hingpit nga andam dili lamang alang sa deployment apan alang usab sa ilang pagbantay sa pakigtambayayong sa mga lokal nga gobyerno ug uban pang mga ahensya.
Samtang, ang PNP kaniadto nagpahibalo nga ang ilang han-ay mopatuman sa full alert status sa Oktubre 31, usa ka adlaw sa dili pa ang Kalag-kalag mismo, aron masiguro nga ang tanang lugar nga bisitahon sa publiko kay mabantayan.
