Nakakolekta ang Philippine National Police (PNP) og dili mominus P20 milyones ka pesos gikan sa charity boxing match nga gipahigayon gahapong adlawa.
Matud ni PNP Chief PGen. Nicolas Torre III, ang ilang buhatan nakatigom og kapin P16.3 milyones nga kantidad sa donasyon samtang nakadawat usab ang National Police og bugas, canned goods ug ubang hinabang gikan sa nagkadaiyang sponsors niini.
Ang nasangpit nga mga pundo ug mga hinabang ipang-apod-apod ngadto sa mga naapektuhan sa bag-o pang mga bagyo diin ang PNP una nang nag-apod-apod sa mga residente sa Baseco Compound, usa sa mga lugar nga gibahaan tungod sa padayon nga pag-ulan sa miaging mga adlaw.
Samtang, laing pundo ang gihatag sa mga buhatan sa Department of Social Welfare and Development (DSWD), Philippine Red Cross (PRC) ug bisan sa ubang organisasyon sa gobyerno sa Quezon City.
Sa pagkakaron, kining mga inisyal nga hinabang nahatud na ngadto sa tukmang mga ahensya ug pipila ka mga residente samtang ang PNP padayon nga nag-abag sa relief operations aron mahatagan og ayuda ang mga grabeng naapektuhan sa mga kalamidad.
Gipasalamatan sa hepe ang mga misuporta ning maong programa ug bisan ang mga sponsors nga nihatag sa ilang tabang aron magmalampuson ang charity boxing match.
