PNPA admission test gitakda karung adlawa Domingo sa UC Banilad

CEBU CITY-Ipahigayon sa University of Cebu Banilad campus ang usa ka admission test alang sa Philippine National Police Academy (PNPA) karong adlawa Domingo, Agosto 6.

Mikabat sa 1,733 ka mga indibidwal gikan sa Central Visayas ang nagpalista online aron mokuha sa exam.

Apan kadtong dili makaparehistro online gidawat gihapon sa PNPA pinaagi sa walk-in registration gahapong adlawa Sabado, Agosto 5.

Kadtong 18-22 anyos sa wala pa ang Hunyo 1, 2024, labing menos 5’2″ alang sa mga lalaki ug 5’0″ alang sa mga babaye, ug nakatapos sa senior high school ang kwalipikado nga mag-aplay.