Hugot nga gikondenar ni Pope Leo ang pagpatay sa liboan ka nagprotesta sa Iran ug gisubli ang iyang lig-on nga pagsupak sa gubat.
Gihimo niya ang pahayag sa press conference sa Roma human sa iyang upat ka nasud nga paglibot sa Africa.
Miingon ang Santo Papa nga dili madawat ang pagpatay sa inosenteng tawo ug gipasiugda nga isip espirituhanong lider, dili siya mosuporta sa bisan unsang matang sa kapintasan ug gubat.
Mitumaw ang iyang pahayag human sa komento ni US President Donald Trump nga nangutana nganong wala siya dayon mitubag sa sitwasyon sa Iran.
Bisan wala siya direktang mitubag, gisubli niya ang iyang baruganan batok sa kapintasan.
Gihisgotan usab niya ang tensyon tali sa US ug Iran, nga nagdala og dakong pag-antos sa mga sibilyan, ug gihulagway ang ceasefire nga gubot ug walay klaro nga direksyon.
Gidepensahan usab sa Santo Papa ang iyang pagbisita sa Africa, nga tumong sa Vatican ang hilom nga pagpalambo sa hustisya ug kahimtang sa katawhan.
Nanawagan kini sa mga lider sa kalibutan nga unahon ang katawhan ug magtinabangay para sa malinawon nga solusyon imbes nga gubat.
