CEBU CITY– Magpabilin ang ‘banning’ sa mga pork products gikan sa Luzon na musulod sa probinsya sa Sugbo.
Kini ang mensahe ni Cebu Provincial Governor Gwendolyn Garcia taliwa sa order ni Department of Interior and Local Government (DILG) Secretary Ano sa pipila ka mga LGU officials nga ‘i-lift’ na ang pagban sa mga meat products nga gikan sa Luzon tungod kay nalugi na matud pa ang Philippine Association of Meat Processors Inc. (Pampi).
Sa pakighinabi sa Bombo Radyo Cebu kang Dr. Mary Rose Vincoy, ang provincial veterenarian, giingon niini nga dili mahimo nga libkason ang pagban sa meat product sa Cebu Province tungod kay mas mahimong lisod pa ang sitwasyon.
Gikalipay usab niini ang wala pagtugot ni Gov. Garcia kung diin gibutyag sa gobernadora nga bisa og iyang gi-respeto si Año dili usab siya mutugot nga mapi-ang ang P10.9 billion hog industry sa probinsya.
Nakalatid usab matud pa sa Local Government Code nga dunay full-authority ang LGU nga magpagawas og order kung nakasalalay na kapakanan sa kinabag-an.
‘ASF- Free’
Samtang matud usab ni Dr. Jennifer Laurente ang OIC sa Departmen of Veterenary Medicine and Fisheries nga kinhanglang huna-hunaon usa og maayo ni Sec. Año ang iyang order tungod kay naglisod na gani matud pa ang Luzon area sa pagcontain sa ASF Virus, tangtangon na hinoon ang banning sa laing probinsya.
Gitino usab niini nga nagpabiling ASF-Free ang Cebu City.
