CEBU CITY-Nangayo ug kooperasyon si Cebu Governor Gwendolyn Garcia sa tanang sektor para pahugtan ang pagban sa pagsulod sa mga karneng baboy nga infected sa mga sakit ilabina ang Swine fever.
Kini human usab nga giban sa gobernador ang pork entry sa Cebu Province sulod sa usa ka gatos (100) ka diyas kung diin nag-umol na usab kini og mga taskforce nga maoy mumonitor.
Lakip usab sa monitoring ang League of Municipalities, Vice Mayor’s League kung diin dason sa gobernador nga angayang musulod na ang mga LGU.
Naghimo na usab matud pa ang provincial government og ordinansa sa istriktong pag-implementar langkuban usab sa mga penalties aron wala nay makasulod nga meat products pa.
Mihangyo si Garcia sa mga Supermarket owners ug operators nga magtinabangay ug kinahanglang committed.
Dako matud pa og impact ang maong swine disease sa swine industry sa Cebu kung duna man makasulod ilabina nga 85% ang pork requirement sa Probinsya.
Nagsugod ang kabalaka sa mga hog raiser ug producer human sa nahitabo sa kauluhan diin pipila ka areas niini ang namatyan og mga binuhing baboy tungod sa wala pa matino nga rason.
Daghang baboy ang kalit nga nawad-an og gana nga mukaon, nagsuka og kalit lang nangamatay. Apan subay usab niana, dunay reports nga ang gihimong mga sausage sa mga hog raisers ang mga patay nga baboy.
