Andam na ang mga organizer sa ika-20 nga Asian Games sa Nagoya, Japan, alang sa pormal nga pagbukas niini sa alas-6:00 sa gabii karong Sabado, Setyembre 19, oras sa Pilipinas.
Bisan pa sa mga hagit sa panahon tungod sa mga bagyo ug pagtibhang sa badyet nga miresulta sa paggamit og container housing, cruise ship, ug mga hotel isip kapuy-an sa mga atleta gipasalig sa lokal nga kagamhanan ang kalampusan sa torneyo.
Mokabat sa 17,000 ka mga atleta ug opisyal gikan sa 45 ka mga nasod ang mosalmot sa 43 ka sports events sa sunod duha ka semana.
Lakip sa gikatakdang suwayan mao ang mga bag-ong disiplina sama sa eSports, breakdancing, ug BMX biking.
Samtang, hugot nga seguridad ang gipatuman sa kapolisan pinaagi sa pagpakatap sa kapin 10,000 ka mga pulis, bisan pa sa taho nga dili makatambong si Japanese Prime Minister Sanae Takaichi sa maong seremonyas.
