Portugal ni declarer ug state of calamity, subay sa kaylap nga wildfire

PORTUGAL- Mikabat na sa kapin 100 ka mga wildfire ang natala sa Portugal diin adunay pito ang patay tungod sa sunud-sunod nga mga sunog.

Gideklarar ni Portuges Prime Minister Luís Montenegro ang state of calamity alang sa labing grabe nga naigo nga mga lugar diin naghangyo sa mga bombero ug civil servants.

Nanawagan usab siya sa mga imbestigador sa kapolisan nga doblehon ang ilang paningkamot sa pagpangita sa mga nagsugod sa sunog ug misaad og tabang alang sa mga nawad-an sa ilang mga panimalay.

Matud pa sa European Copernicus satellite nga kapin sa 15,000 ka ektarya ang nasunog ug 13 ka kilometro nga mga fire front.

Kung diin, adunay usa ka lugar nga gipuy-an sa 210,000 ka mga tawo ang na-expose sa peligro sa maong sunog.