Posibleng mag-atubang og administrative investigation ang 6 ka pulis sa CCPO human pakyas nga motambong sa surprise drug test

CEBU – Dili mominus 6 ka mga polis nga nadistino sa Cebu City Police Office (CCPO) ang posibleng mag-atubang og administrative investigation human kini napakyas sa pagtungha sa surprise drug test kagahapon, adlawng Lunes, Pebrero 6,2022.

Sa impormasyon nga gipagawas sa CCPO, ang unom parte sa 60 ka personnel nga random nga gipili alang sa drug test.

Gimandoan kini nga mo-report sa CCPO headquarters kagahapon apan pakyas kini sa pagpakita.

Nasayran nga una silang gisultihan nga ang unom ka mga pulis nigawas aron motambong sa usa ka court hearing.

Apan, gitino sa buhatan nga ilaha pa nga iberipikar ang maong taho nga ilahang nadawat.