Mipahimangno si President Ferdinand Marcos Jr. sa publiko, labi na kadtong mag-hoard, nga likayan ang pagtago sa diesel taliwala sa kasamtangang sitwasyon sa suplay sa lana.
Sumala sa Presidente, ang mga konsumidor nga adunay lehitimong panginahanglan lamang ang gitugotan nga magtago sa gasolina.
Apil niini ang mga mangingisda, mga operator sa kagamitan sa dagat, mga ospital, ug uban pa nga naggamit og mga generator set para sa ilang operasyon.
Gikondenar sa Presidente ang mga insidente sa pagpangawat og gasolina ug uban pang mga iregularidad nga may kalabotan sa lana.
Gipasiugda niini, nga ang mga taho sa pipila ka mga indibidwal nga nagpahimulos sa sitwasyon alang sa personal nga kaayohan makapasubo ug makahasol.
Gipasiugda usab sa Presidente ang mga peligro nga gipahinabo sa dili husto nga pagtipig sa diesel, nga mahimong hulga sa mga komunidad.
Miingon siya nga importante nga tagdon ang kaluwasan sa mga silingan ug likayan ang mga kalihokan nga mahimong hinungdan sa katalagman.
Nanawagan usab ang Presidente alang sa panaghiusa ug hustisya ug uban pa.
