(Update) CEBU CITY – Mihatag si Presidente Rodrigo Duterte ug financial assistance sa 4-month old nga bata nga gilugos sa 45-anyos nga lalaki sa Sitio Dakit,Brgy.Perelos, dakbayan sa Carcar.
Karong adlawa gibisita mismo ni Presidential Assistant for the Visayas Michael Dino ang inahan sa bata sa Vicente Sotto Memorial Medical Center.
Gipaabot sa pangulo ang hinabang nga P10,000 alang sa masuso pinaagi sa Office of the Presidential Assistant for the Visayas. Gipasalig ni Dino ngadto sa mga ginikanan sa bata nga mahatagan ug igong tabang sa tanang aspeto ilabi na sa pinansiyal.
Sa pagkakaron nakagawas na ang masuso gikan sa tambalanan kaganihang hapon. Samtang si Dino mitahas sa DSWD nga abagan ang ginikanan sa temporaryong pag-amuma sa masuso. Gitawag usab niya ang PDEA arun sa pagpahugot sa kampanya batok iligal nga drogas.
Mahinumduman nga pasado ula una sa kaadlawn niadtong Huwebes nabatian sa pipila ka mga residente nga adunay kusog nga hilak sa usa ka masuso ug nakita nalang nila ang bata sa kasagbutan nga nagkadugo na ang diaper. Gidala sa Carcar City Police Women’s and Children’s Protection desk ang biktima sa pink room sa Vicente Sotto Memorial Medical Center ug migawas sa medical examination nga naa kini laceration ug aduna pay sagbot ang kinatao niini.
