Presidente sa Kenya, nakahukom nga dili pirmahan ang balaodnon sa pagtaas sa buhis

Gibakwi ni Kenyan President William Ruto ang finance bill nga naglangkob sa kontrobersyal nga pagtaas sa buhis.

Diin ang nasangpit nga desisyon nunot sa dakong lihok protesta nga misangpot sa pagkamatay sa 22 ka mga tawo.

Sa iyang pakigpulong, iyang gibarogan nga dili siya mopirma sa maong balaudnon.

Gitataw niini nga angayang sundon kung unsa man ang gusto sa katawhan.

Kahinumduman nga niulbo ang protesta human napasar sa mga magbabalaod ang balaudnon nga nagtumong sa pagdugang og buhis sa pipila ka mga palaliton.

Gisulong sa mga nagprotesta ang parliament building diin nagtago ang pipila ka mga magbabalaod, nga napugos sa mga pulis nga mogamit og tear gas.