Nisaad si Taiwan President Lai Ching-te nga depensahan ang soberanya sa isla, human sa dagkong mga ehersisyo militar sa China sa palibot sa Taiwan.
Sumala ni Lai, ang tumong sa gobyerno mao ang pagpalig-on sa depensa sa nasud, pagpalambo sa kalig-on sa matag katilingban, ug pagtukod og epektibong pagpugong batok sa bisan unsang hulga.
Dugang niini nga isip presidente, iyang barugan kanunay ug tin-aw nga adunay determinadong pagdepensa sa nasudnong soberanya ug pagpalig-on sa nasudnong depensa.
Gikutlo usab niya ang padayon nga suporta sa internasyonal nga komunidad alang sa Taiwan ug gipasiugda ang pagtukod og mas luwas ug mas lig-on nga Taiwan.
Mahinumduman nga ang ehersisyo militar sa China nagsunod sa pag-apruba sa Estados Unidos sa $11.1 bilyon nga pagbaligya og armas ngadto sa Taiwan ug sa pahayag sa Punong Ministro sa Japan bahin sa posibleng hinanaling tubag sa Tokyo kung adunay pagsulong sa Beijing.
