Nisaka na usab ang presyo sa mga imported nga sibuyas, basi sa monitoring sa Department of Agriculture (DA).
Tungod niini, gipataas sa DA ang maximum suggested retail price (SRP) sa mga imported nga sibuyas, epektibo gahapong adlawa.
Gikan sa kanhing P120 kada kilo, kini ipataas na ngadto sa P150 kada kilo, o katumbas sa P30 nga pagtaas.
Gipasabot ni DA Sec. Francisco Laurel Jr. nga ang presyo sa mga sibuyas misaka sa mga nasud nga nagsilbing supplier sa Pilipinas sama sa China, India, ug Netherlands.
Samtang, ang pag-import sa mga sibuyas suspendido usab sugod sa Enero sa sunod tuig.
Kini aron maandam ang lokal nga ani sa Pebrero.
Bisan pa sa pagbag-o sa presyo sa pula nga sibuyas, ang maximum SRP sa matag kilo sa puti nga sibuyas magpabilin sa P120.
