CEBU CITY-Gikondenar sa hepe sa Police Regional Office (PRO-7) nga si Police Brigadier General Val de Leon ang kamatayon sa kanhi hepe sa Provincial Intelligence Branch sa Cebu Provincial Police Office nga si Police Lt. Col. Joie Yape kinsang gipusil patay kagabii sa wala pa matinong mamumuno.
Sa gipagawas nga statement sa regional director, nagkanayon kini nga “unacceptable” ang nahitabo hinungdan nga iya na nga gimanduan ang Cebu City Police Office (CCPO) nga palawman ang imbestigasyon aron nga masikop ang mga suspect.
Sigon usab ni Col. Geovanie Maines ang Deputy Regional Director for Operations (DRDO) ug Cebu City Police Officer nga kanhi nadestino si Yape sa National Headquarters sa Camp Crame, sa Quezon City apan lumad kini nga taga Aloran, Misamis Occidental.
Basi sa inisyal nga information duna matud pa’y gitambongan nga 3-day seminar si Yape apan nasuta usab nga dunay kini hearing sa CPPO pasado alas 2 kagahapon may kalambigitan sa usa ka administrative hearing.
