PRO 7 director nanawagan sa mga LGUs nga makig-alayon sa kapulisan batok sa ilegal nga drugas

Nilusad ang Police Regional Office Central Visayas (PRO 7) og 492 ka anti-criminality operations nga miresulta sa pagkasikop sa 622 ka mga drug personalities tali sa Disyembre 19, 2022 ug Enero 20, 2023.

Niining panahona, nasakmit sa kapolisan ang 7,126.76 gramos nga shabu nga nagkantidad og P48,461,968 ug 404.60 gramos nga marijuana nga nagkantidad og P48,522.

Matod ni Bearis nga usa sa ilang mga estratehiya mao ang pagtutok sa drug rehabilitation ug ang pagpabalik sa mga drug dependents ngadto sa katilingban.

Dugang pa, nga ang gubat batok sa iligal nga droga kinahanglang komprehensibo, analytical, community-based ug sensitibo sa tawhanong katungod.

Matod ni Bearis nga ang gubat batok sa ilegal nga drugas maoy gikabalak-an sa katawhan.