CEBU – Gipahimangnuan sa Police Regional Office 7 ang mga pulis sa Central Visayas nga dili musulud ug bisan unsa man nga investment scam.
Gikumpirmar ni PRO 7 Regional Director Police Brigadier General Debold Sinas nga nakasulud na sa Cebu ang investment scam nga KAPA-Community Ministry International, Inc. nga gipanguluhan ni Pastor Joel Apolinario.
Matud ni Sinas nga target usab sa nahisgutang investment scam ang mga pulis ug uban pang mga propersyonal arun nga makuha nila ang pagsalig sa uban pang sektor.
Gisiguru usab sa police director nga hugut nila nga gibantayan ang KAPA arun nga dili kini nga padayun nga maka-establisar dinhi sa Sugbo.
Hinu-un, giklaru ni Sinas nga wala pa’y pulis sa Central Visayas ang naka-invest sa KAPA.
Nasayran nga adunay opisina ang KAPA sa lungsud sa Liloan, sa amihanan nga bahin sa Sugbo, ingun man sa dakbayan sa Lapu-Lapu.
