-- ADVERTISEMENT --
CEBU PROVINCE-Dili makadiktar ang probinsya sa Sugbo sa presyo sa bugas, kini gumikan kay ang nasyonal ang nagpagawas sa maong kamanduan.
Kini ang gipahayag ni Cebu Provincial Governor Gwendolyn Garcia kalabot sa bag-o lang gipatuman nga Executive Order No. 39 nga nagbutang sa price cap sa regular ug well-milled nga bugas sa tibuok nasud.
Dugang pa sa gobernadora nga nakahukom usab ang kagamhanang probinsiyal sa pag-undang sa “pag-amuma sa kulturang mendicant” pinaagi sa pagpanghatag og bugas ug hinabang pinansyal sa mga apektadong Sugbuanon.
Subay niini mas gipalambo pa ni Garcia ang tumong niini ang paghatag og paagi sa mga Sugbuanon nga makatabang sila sa ilang kaugalingon pinaagi sa mga programa sama sa Sugbo Negosyo ug SUGBUsog.
