Giinsiter ni Trial spokesperson ug Kabataan Partylist Rep. Renee Co nga ang House prosecution panel dili motugot sa bisan unsang lakang nga makapahinay o makapahunong sa impeachment trial ni Bise Presidente Sara Duterte.
Sumala ni Co, ang Senado adunay katungdanan nga ipadayon ang trial subay sa Konstitusyon ug sigurohon nga walay babag sa proseso sa pagpanubag sa mga opisyal sa gobyerno.
Gipasiugda sa mga piskal sa House nga ang bisan unsang dugang nga paglangan sa trial mahimong hinungdan sa kasagmuyo sa publiko, labi na kay ang mga lungsuranon dugay nang naghulat sa hearing sa mga alegasyon batok sa bise presidente.
Samtang, ang impeachment trial sa Senado gilauman nga magsugod sa umaabot nga mga semana human sa mga pagbag-o sa liderato sa House. Diin si Duterte nag-atubang sa mga kaso sa misappropriation of funds ug uban pang giingong paglapas sa public trust, nga iyang kusganong gihimakak ug giisip nga politically motivated.
Si Rep. Renee Co ug Rep. Zia Alonto Adiong nagtuo nga dili igo alang sa kampo ni Bise Presidente Sara Duterte nga mosunod lang sa mga proseso sa impeachment court kung walay klaro nga pagpasabut sa mga pasangil batok kaniya.
