Gibutyag ni Atty. Rameses Villgonzalo, usa ka legal expert nga pabor pa gihapon ang prosecution team sa nahitabong ika- unom na semana sa impeachment trial batok kang Vice President Sara Duterte.
Kini gumikan kay napakyas ang depensa sa pagpamatoud nga adunay “supporting documents” ang tanan nga mga kwestiyunableng “acknowledgement receipts” sa paggasto sa confidential ug Intelligence funds sa Office of the Vice President ug Department of Education sa 2022.
Matud usab niini nga normal lang panahon sa trial proper, ang pag-cut off sa defense counsel ngadto sa pagtubag sa witness tunga-tunga sa cross-examination, gumikan kay usa kini ka trial strategy alang sa prosekyusyon ug depensa hilabi na kung ang pangutana usa ka closed-ended question.
Gihimug-atan ni Atty. Villagonzalo, nga dili gayud mamahimong ipangutana ang mga “misleading questions” bisan paman sa panahon sa direct examination, redirect, ug cross examinations bisan paman nga gipanghingusgan kini sa usa sa mga defense counsel Atty. Kristine Ferrer.
Sigon niini nga pipila sa mga pangutana nga dili tugotan sa trial proper, mao ang misleading, leading, lakip na ang vague questions.
Dugang ni Atty. Villagonzalo, nga gidili gayud sa mga abogado ang maghisgut sa mga merito sa kaso hilabina kung nagpadayun pa ang pagdungog gumikan sa “sub judice rule” apan sa bahin sa senado daw wala gi istrikto sa impeachment court ang maong rule gumikan kay bisan sa mga senator judges adunay nakalapas niini.
Apan iyang giklaro, nga kung ang basehan lang mao ang post ni Atty. Virgil Ligutan, usa lang kini ka educational purpose ug wala ray malisya ang social media post niini, gumikan kay wala man kini gahisgut og pangalan ingun man ang merito sa kaso, daw pasaring lang kini ngadto sa depensa.
