Nagkauyon ang House Prosecution ug Defense Panel nga mopasaka og pipila ka “common exhibits” sa pagpadayon sa impeachment trial batok kang Bise Presidente Sara Duterte karong Lunes, Agosto 3.
Ang stipulation of common exhibits usa ka kasabutan sa duha ka partido sa korte nga modawat sa parehas nga ebidensya nga dili kinahanglan pamatud-an kung kini tinuod.
Una nga gihangyo ni House Prosecution counsel Atty. Lorna Kapunan ang Senate Impeachment Court nga magtakda og maong kasabutan.
Human mangayo og lima ka minutos nga suspensyon ang defense counsel nga si Atty. Michael Poa aron susihon ang hangyo, miuyon ang depensa sa pipila ka documentary evidence.
Apan gisupak sa defense panel ang 845 ka acknowledgement receipts gikan Disyembre 21 hangtod 31, 2022, ug ang alegasyon nga nakadawat ang Office of the Vice President (OVP) og P125 milyon nga confidential funds niadtong Disyembre 20, 2022 nga nagasto sulod lang sa 11 ka adlaw.
Gipasalamatan ni Kapunan ang depensa sa ilang pag-uyon sa pipila ka ebidensya, samtang gidayeg usab ni Trial Presiding Officer Francis “Chiz” Escudero ang duha ka partido sa pagtabang sa pagpamubo sa proseso.
Matod ni Kapunan, nakunhoran og 10 ka kahon ang mga ebidensya gikan sa unang 15 ka kahon.
