Nihangyo ang Probinsya sa Kapitolyo ngadto sa buhatan sa Department of Health 7 nga motabang sa pag-edukar sa publiko kabahin sa doxycycline kon gani imnon kini.
Mao kini ang gipaambit ni Dr. Elisse Nicole Catalan, Public Health Consultant sa Kapitolyo, nga usa sa mga hagit ilang giatubang karon sa pakigbisog sa leptospirosis kay ang kahadlok sa mga tawo gumikan sa giingong makadaot kini kon gani imnon.
Busa, gisugyot ni Catalan nga kung mamahimo adunay ipadala nga ”health education aspects” kabahin sa tambal nga mopasabot sa publiko nga dili kini angay kahadlokan.
Inay nipakita na sila sa ilang pagka-aktibo sa dihang aduna nay namatay hinungdan nga subay sa ilang paningkamot, nanawagan kini sa buhatan sa panglawas nga moabag sa pagpakaylap og impormasyon kalabot sa doxycycline.
Gidugang usab ni Dr. Catalan nga kung ang DOH ang mohatag og impormasyon mas dako kini og impak, ingon man mopahigayon nalang usab og pre-position sa diagnostic test.
Una niini, nakatala og gatusan ka mga kaso sa leptospirosis ang mga tambalanan nga ubos sa pagdumala sa probinsya sa Sugbo sa 16 ka mga Provincial Hospital.
Diin gibana-bana nga anaa 175 ka mga kaso sa leptospirosis ang natala sa kagamhanan sa Probinsya.
Apan giklaro niini nga dili pa kini ang kinatibuk-ang kaso sa probinsya gumikan kay wala pay labot niini ang mga kaso nga anaa sa mga nagkadaiyang pribadong tambalanan.
