Masaligon ang Philippine Sports Commission (PSC) nga ilang mahuman ang renobasyon sa Rizal Memorial Sports Complex sa hustong panahon alang sa pag-host sa nasud sa makasaysayanong Philippine Women’s Open.
Sumala sa PSC, padayon nila nga giayo ang mga tennis court para sa torneyo nga magsugod sa Enero 26 hangtod 21, 2026.
Uban sa tabang sa Department of Public Works and Highways (DPWH), ang trabaho naka-focus sa pag-upgrade sa mga tennis court ug pipila ka mga pasilidad.
Niining paagiha, ang ilang estratehikong mga tumong naka-focus sa kaayohan sa mga atleta ug sa pagpalambo sa turismo sa isports sa nasud pinaagi sa pagkaanaa sa mga modernong pasilidad.
Ang Philippine Women’s Open usa ka hard court tournament nga motakdo sa Australian Open, nga magsugod sa Enero 18 hangtod Pebrero 1, 2026.
Bisan wala pa gipagawas sa Women’s Tennis Association (WTA) ang mga magduduwa, ilang gamiton ang tulo sa pito ka playing courts sa Rizal Memorial Tennis Center.
Dili usab klaro kung makaduwa ba ang Filipina tennis star nga si Alex Eala tungod kay magdepende gihapon kini sa iyang duwa sa Australian Open.
