Alex Eala, nakaabante sa ikaduhang hugna sa Italian Open

Nakalusot na sa ikaduhang hugna sa Italian Open ang Pilipina tennis star nga si Alex Eala.

Kini human niya gipildi si Magdalena Frech sa Poland sa tulo ka sets, 6-0, 3-6 ug 6-4.

Diin maayo ang pagsugod sa unang set apan nakabawi ang Polish tennis star sa ikaduhang set.

Ug pagsulod sa ikatulong set, ang 20-anyos nga si Eala nagpakita og intense nga dula hangtod nga nakalusot siya.

Nalipay usab si Frech sa gipakita nga kahanas ni Eala, nga iyang giingon nga dili hitupngan.///////////

Sunod nga atubangon sa world number 42 nga si Eala ang world number 33 nga si Wang Xinyu sa China, kinsa nakadawat og bye sa unang hugna.