CEBU CITY-Nunot sa mikaylap nga video sa social media kabahin sa usa ka lalaki nga napaakan og iro sa Lanao Del Norte ug misangpot sa grabe nga kahimtang ug dili na kayang matambalan sa mga tambalanan gumikan sa giingong misaka na sa utok ang rabies sa iyang utok.
Hinungdan nga subling gipahimangnoan ang publiko sa mga angayang buhaton kung gani mapaakan og mga binuhing mananap.
Kini taliwala sa gipahibalo sa City Health Department ug Department of Veterinary Medicine and Fishery nga adunay pagkunhod sa ihap sa mga napaakan sa iro ug iring sa unang quarter ning tuig 2024 sukad Enero handtud sa Marso.
Ug bisan sa maong pagkunhod, gi-awhag ni Dr. Jeffrey Ibones, ang acting Head sa City Health Department nga likayan usab ang naandan nga kon gani mapaakan padug-on ang samad, imbis obserbaran kini ug dalhon sa mga tambalanan.
Atol sa pakighinabi sa Bombo Radyo Cebu News Team kang Dr. Alice Utlang, usa ka City Veterinarian diin gipaambit niini nga hugot ang ilang pag-edukar sa mga vaccinator lakip na ang mga barangay officials arun masayod kini sa angay nga buhaton ug sila na ang mosabwag sa impormasyon ngadto sa ilang mga konstituwenti.
