Punong Barangay, suspek sa pagpusil patay sa 2 ka kawani sa city hall sa Silay City, Negros Occidental karong eleksyon

Duha ka empleyado sa city hall ang patay ug lima ang angol sa nahitabong pagpamusil sa Silay City, Negros Occidental, karong adlaw sa piniliay, Mayo 12, 2025.

Sumala sa mga taho, nagkape ang mga biktima dihang gipamusil sa mga suspek nga sakay sa usa ka van.

Ang mga biktima gikatahong nag-duty sa pag-monitor sa bisan unsang insidente sa pagpamalit og boto sa dapit.

Usa ka barangay kapitan ang gitumbok nga suspek.

Dugang niana, gilusad usab ang hot pursuit operation batok sa suspek.

Samtang, ang mga nasamdan nagpabilin sa tambalanan. (Bombo Irene Ardiente)