BOHOL-Ipasirado sa umaabot Septiyembre 9 ang Puntud Island nga kanhi giila nga Virgin Island sa probinsya sa Bohol human kini nakasinati og vandalism gikan sa turista ang sa Estaca Snorkeling Area niini ng ami-viral online.
Kini subay sa kamanduan ni Bohol Provincial Governor Eric Aris Aumentado uban sa Protected Area Management Board (PAMB) nga maglangkob sulod sa unom ka buwan.
Ang maong pamahayag giluwatan atol sa special meeting sa board nga gipahigayon niadtong Septiyembre 6, Biyernes samtang ilang gituki ang ubang mga butang nga naglambigit sa Panglao Island Protected Seascape (PIPS).
Nagsunod usab kini sa sugyot ni Governor Aumentado ang mga rekomendasyon gikan sa joint assessment report sa Department of Environment and Natural Resources (DENR), Bohol Provincial Environment and Management Office (BPEMO), Municipal Environment and Natural Resources Office (MENRO) sa Panglao .
Nagtumong kini sa pagpanalipod sa kinaiyahan ug pag-rehabilitate sa maong dapit sa fragile nga marine ecosystem sa isla.
Ang temporaryo nga pagsira maglangkob gikan sa unom ka buwan nga assessment ug molugway sa usa ka tuig o hangtod sa dugang nga pahibalo sa higayon nga ang lugar naayo na, usa ka dakong inisyatiba sa marine conservation nga nagkonsiderar sa Bohol nga una ug bugtong nga UNESCO Global Geopark sa nasud.
