Gikumpirmar sa Ministry of Defense sa Qatar nga ang nasud nakasinati og missile attack niadtong Marso 5, samtang ang mga air defense system niini aktibong naka-intercept.
Sumala sa pahayag nga gipagawas sa nasud diin gipahibalo sa Ministry of Defense sa Estado sa Qatar nga ang Estado sa Qatar na-atake sa missile.
Tungod niini, nanawagan ang gobyerno sa mga lungsuranon, residente ug mga langyaw nga magpabiling kalmado, mosunod sa mga opisyal nga instruksyon, likayan ang pagpakatap sa mga bakak nga balita, ug mosalig lamang sa impormasyon gikan sa mga opisyal sa gobyerno.
Mahinumduman nga ang Qatar kaniadto miingon nga ang Iran wala lamang nag-target sa mga pasilidad sa militar apan lakip usab ang tibuok teritoryo sa Qatar, ingon man ang Hamad International Airport ug mga gas facility sa nasud.
Sumala sa mga awtoridad, nakahimo sila sa pagpatumba sa duha ka Iranian fighter jet nga misulod sa ilang airspace niadtong Lunes.
Gihisgutan usab sa opisyal nga ang panguna nga prayoridad sa gobyerno karon mao ang kaluwasan sa mga lungsuranon ug residente niini, nga nagrepresentar sa mga 140 ka nasyonalidad.
Walay linya usab sa komunikasyon tali sa Qatar ug Iran, sumala ni Al-Ansari. Gipasiugda niya nga ang nasud andam nga mobalos ug nga sila adunay igo nga mga missile sa depensa sa hangin aron atubangon ang bisan unsang mga pag-atake.
Samtang, ang airspace sa Qatar nagpabilin nga sirado. Kapin sa 8,000 ka mga pasahero sa transit ang na-stranded karon. Adunay usab mga taho, diin ang bag-ong pag-atake sa mga missile sa Iran naigo.
