UNITED STATES-Daghang mga Demokratiko ang nasurpresa sa pagpakita sa gitawag nga Queen of All Media, Oprah Winfrey, sa ikatulo nga adlaw sa Democratic National Convention aron mangampanya alang sa tandem ni US VP Kamala Harris ug Gov. Tim Walz.
Si Winfrey maoy surpresang bisita karon sa nagpadayon nga DNC.
Ang iyang talumpati nakasentro sa kalainan ni kanhi US Pres. Donald Trump ug Harris nga pareho sa personal ug propesyonal nga kinabuhi.
Matod ni Winfrey, ang pagtahod, kaligdong, ug sentido komon ang nakataya sa 2024 nga balota.
Ang gitawag nga labing impluwensyal nga babaye sa America niinsistir, nga igo na nga sentido komon ang magdiktar nga sila si Harris ug Walz ra ang makahatag og kaligdong ug pagtahod sa umaabot nga piniliay sa pagkapresidente.
Si Winfrey migahin usab og pipila ka minuto sa pagsaway kang Trump mahitungod sa giingong kanunay nga pagreklamo ug kasakit sa kanhi presidente.
Sumala niini, ang mga lungsuranon sa US dili na kinahanglan nga tugotan ang ilang mga kaugalingon nga iduso, i-bully, o sipaon balik sa nangagi.
Ang maong pamahayag daw nahisubay sa administrasyon ni kanhi presidente Trump, kinsa nakadawat usab og taas nga singgit gikan sa mga tigpaluyo.
Nailhan kaniadto si Winfrey isip usa ka independente o dili mo-apil nga partido sa politika sa US.
Bisan pa, naghatag usab siya kaniadto nga mga pag-endorso sa daghang mga kandidato sa Demokratiko lakip si Barack Obama, Joe Biden, ug Hilary Clinton.
Apan, nagdumili siya sa pag-apil sa mga political rally o campaign trail sa gisuportahan nga mga kandidato.
