PANGLAO, BOHOL-Namatay ang usa ka partisipante sa triathlon sa isla sa Panglao sa lalawigan sa Bohol atol sa swim portion sa lumba sa triathlon niadtong Domingo, Hulyo 13.
Nipaluwat ug pamahayag ang mga organizers nga dakong kasubo ang ilang gipamalandong kabahin sa pagkamatay sa usa ka partisipante sa 5150 Bohol triathlon.
Wala hinganli sa organizers ang atleta, apan ang tinubdan nagkanayon nga ang namatay usa ka lalaki nga partisipante gikan sa Panabo City, Davao del Norte.
Ang atleta nanginahanglan og medikal nga pagtagad atol sa swim portion sa lumba sa usa ka resort sa Barangay Doljo alas 6:40 sa buntag.
Ang mga medical personnel nihatag og suporta sa lugar sa wala pa ang partisipante gidala sa ospital sa Tagbilaran City aron matambalan.
Siya, bisan pa, sa katapusan namatay. Ang hinungdan sa kamatayon wala pa gipahibalo.
Ang 5150 Triathlon Bohol naglangkob sa 1.5 ka kilometro nga paglangoy, 40 ka kilometro nga biyahe sa bisikleta, ug 10 ka kilometro nga dagan nga gihulagway sa mga nag-organisar nga usa ka “Olympic distance triathlon.”
Kini ang unang higayon nga namatay ang usa ka partisipante atol sa kompetisyon, nga anaa na sa ikapitong tuig niini.
Adunay labing menos 800 ka mga atleta gikan sa 19 ka mga nasud.
