Ipahigayon karong Oktubre 18 ang pagraffle sa mga party-list organizations aron masayran ang ilang numero sa opisyal nga balota para sa 2025 Midterm Elections.
Gikatakda ang raffle sa alas 9 sa buntag ug adto ipahigayon sa Chairman’s Hall, Palacio del Gobernador Bldg., Intramuros, Manila.
Kung diin, usa ka automated raffle ang gamiton niini.
Matod sa Commission on Elections, ang software, electronics, ug mga component nga gamiton una ipakita sa party-list groups, organisasyon, ug koalisyon.
Ang software o aplikasyon nga gigamit maoy mo-raffle sa mga ngalan sa mga kuwalipikadong party-list ug organisasyon ug mo-print usab sa aktuwal nga listahan niini.
Dugang pa sa komisyon, dili kini modawat sa bisan unsang apela, motion for reconsideration, o motion to re-raffle human niini.
Unang gigamit ang raffle system niadtong 2013 elections aron mapugngan ang mga organisasyon sa pag-abuso sa paggamit sa mga pangalan sugod sa unang letra o numero aron lang maka-una sa listahan.
